Home / Health / Maiday Ki Tezabiat Ka Ilaj (Urdu)

Maiday Ki Tezabiat Ka Ilaj (Urdu)

Maiday ki tezabiat (Acidity) ak bohat bari Bemari hai jo k har tarhan k umar k logon ko ho jati hai. Ziada masaly daar khana khana, exercise na karna, be waqat khana khana, stress aur aur work pressure maiday ki tezabiat (Acidity) paida karti hain.Maiday Ki Tezabiat Ka Ilaj

Maiday Ki Tezabiat Ky Liye Phakki

  • Zenjabeel 5 gram.
  • Zeera safaid 5 gram.
  • Zeera siyah 5 gram.
  • Filfil daraz 5 gram.
  • Ilaichi khurd 5 gram.
  • Lemon 5 gram.
  • Kaali mirch 1 tola.
  • Anar dana 1 tola.
  • Podina 2 gram.
  • Lahori namak 4 tola.
  • Misri 5 tola.

Procedure (Tareeka):

Podina aur lemon k ilawa tamam ajza ko achi tarhan pees lain aur chaan lain podina aur lemon bareeek kar ky mila lain.

Use (Istimal):

3 gram phakki rozana khany k bad paani k sath lain.

Sonf Aur Lemon Ki Phakki

  • 1 pao lemon.
  • 200 gram sonf.

Procedure (Tareeka):

Lemon ly kar inka ras ak khuli plate main nikal lain. Ab sonf lain aur us ko saaf kar lain aur us plate main pheela dain jis main ap ny ras nikala hai taaky wo lemon k ras main achi tarhan bheeg jaye. Ab is plate ko aisi jaga rakh dain jahan makhiyan na hoon aur isy kushk hony dain. Khayal kijiye k wahan dhoop bhi aur garmi na ho kisi thandi jaga par rakhain. Jb sonf lemon k ras ko apny andr jazb kar ly aur kushk hojaye tou is ko grinder main pees lain aur is ki phakki bana lain.

Use (Istimal):

Jb bhi apko maiday ki tezabiat mehsoos ho is phakki ki adhi chamach mou main daal lain.

Maiday Ki Tezabiat Ky Liye Nuskhy

Maiday ki Bemari ap ko har marz sy bacha sakti hai. Maiday ki tezabiat door karny k chand tareeky neechy diye gaye hain.

  • Rozana chilky samait ak apple khayen.
  • Podinay ki ak tehni ko 1 liter paani main obal lain aur din main 3 dafa ye paani piya jaye tou maiday ki tezabiat door hojaye gi.
  • Maiday ki tezabiat door karny k liye apni giza main adrak aur papeeta shamil karain.
  • Chaye main lemon ka ras ya shehad shamil kr k piyen.
  • Wo sabziyan aur phal khas tor par jin main fiber ki miqdar zaida hoti hai maiday ki tezabiat liye bohat faidaymand hai.
  • Papeeta maiday ki tezabiat ky liye bohat acha phal hai. Hazmay ko theak rakhta hai.
  • Khanay ky baad sonf khanay sy maiday ko khana hazam karny main asani hojati hai aur khorak jism ka acha hisa banti hai.
  • Maiday ky liye kela , chawal,  double roti,  adrak , nariyal ka paani wagera yani k halki ghiza bohat mufeed hoti hain kyn k maiday ko halki ghiza jaldi hazam hojati hai.
  • Kuch dair ki walk karny sy insan ka maida theak rehta hai aur khana jaldi hazam hojata hai. Tez tez walk ziada faiday mand sabit hoti hai hazmay k liye.
  • Hamesha thori bhook rakh kar khana khayen yani kbhi bhi puri bhook khatam na karan is sy hamara maida bhi theak rahy ga.

Leave a Reply

Your email address will not be published. Required fields are marked *